Um fjárhættuspil

Einstaklingur er að stunda fjárhættuspil þegar lagt er undir peninga eða eigur og útkoman er óviss þ.e. er háð líkum. Aukning fjárhættuspils á Íslandi er gríðarleg og vandamál tengd fjárhættuspilum hafa aukist. Margir tengja fjárhættuspil eingöngu við spilavíti og póker en svo er ekki. Það er margar leiðir til að stunda fjárhættuspil t.d.:
  • Lottó
  • Pókar, bæði á netinu og ólöglega hér á Íslandi
  • Veðmálasíður á netinu
  • Spilakassar
  • Bingó
  • Spilavítisleikir t.d. á netinu
  • Veðja á íþróttleiki
  • Lengjan
  • Skafmiðar
  • Happdrættismiðar
Svo fátt eitt sé nefnt. Flestir eiga sitt uppáhalds t.d. spila eingöngu í spilakössum meðan aðrir stunda nær eingöngu Lengjuna en það er ekki algilt. Flestir byrja að stunda fjárhættuspil sér til skemmtunar og oft er þetta félagslegt. Flestir geta lagt undir og það veldur þeim ekki teljandi tjóni og þeir einstaklingar geta stjórnað hversu mikið þeir leggja undir og hve miklum tíma er varið í fjárhættuspil. En svo eru það einstaklingar sem verða háðir og missa stjórn, eyða meiri fjármunum og tíma en upphaflega stóð til og geta ekki sama hvað þeir reyna hætt fjárhættuspilum.

Hvað er spilafíkn?

Spilafíkn er stjórnlaus þátttaka í fjárhættuspilum sem hefur alvarlegar afleiðingar. Andleg vanlíðan, þunglyndi, kvíði og streita eru algengir fylgifiskar spilafíknar. Spilafíkill er iðulega upptekinn af hugsunum um fjárhættuspilum og hugsar um leiðir til þess að spila áfram og/eða leggja undir, gjarnan í þeim tilgangi að endurheimta glatað fé. Það eykur aðeins fjárhagslegan skaða þannig að við andlega vanlíðan bætast oft miklir fjárhagslegir erfiðleikar og í versta falli gjaldþrot. Skaðlegar afleiðingar spilafíknar eru vel þekktar og bitna ekki aðeins á fíklinum sjálfum heldur einnig á fjölskyldu hans og samfélaginu öllu. Ýmsar skaðlegar afleiðingar spilavanda eru þekktar, svo sem: kvíði, þunglyndi, slæmt heilsufar, slök frammistaða í starfi, fjarvera frá vinnu, atvinnumissir, fjárhagslegir erfiðleikar, skuldasöfnun, eignatap, gjaldþrot, fjölskylda vanrækt, skilnaðir, heimilisofbeldi og sjálfsvig.